【明報專訊】顧客要求，通常無厘頭。N年前，在室內設計公司工作，常見老闆被顧客精神蹂躪，例如，唔該我想間屋整得型啲；老闆𢱑晒頭反問何謂型？呀……唔……我畀成百萬你裝修，仲問？結果整完又拆，拆完再改，偏離設計原意，搞到不倫不類，但個客會好滿意。唔尊重設計師，係啲客有錢大晒心理常態；室內設計，雖然有創作成分，但唔係整件藝術品出嚟自己開心就有錢收；就算閣下覺得幾核突都好，最緊要個客滿意，佢先肯找埋條尾數。