【明報專訊】自由黨榮譽主席田北俊個facebook可算係本港政壇中最有話題嘅人物之一，皆因佢每次出post，似乎都要抽吓水、寸盡政圈事。田少噚日又嚟料，抽嘅唔係政治事件，而係近日好多人談論，有關37歲港男好似豪花咗40萬蚊求婚、安排直升機喺維港拉巨型橫額等。近日不時落區宣傳嘅田少就喺fb話，助理建議佢出40萬搵直升機拉banner，等佢哋唔使日日企街咁辛苦喎。