【明報專訊】民主黨劉慧卿去咗馬尼拉，除咗同菲律賓政府勞工就業部（Department of Labour and Employment）及海外就業管理局（Philippine Overseas Employment Administration）官員會面，討論香港外傭待遇問題，仲抽時間去咗菲律賓New Bilibid高度設防監獄，探望涉藏毒被判囚40年嘅港人鄧龍威。鄧龍威喺當地涉藏毒，未被定罪便遭拘留11年，2011年喺無翻譯下審訊被重囚，鄧其後要求上訴，但事隔3年未獲受理。卿姐噚日探完鄧龍威話佢情况唔錯，已安排律師朋友同鄧龍威嘅律師聯絡，睇吓能否幫到對方。