【明報專訊】公務員事務局前局長鄧國威噚日接受港台《舊日的足跡》訪問，回顧37年公務生涯時話，最難忘係1980年代喺沙田政務處工作。話說當年日本百貨公司八佰伴喺沙田開業，時任沙田專員「靈機一觸」想為沙田居民「做番啲嘢」，於是帶埋佢去日本游說百貨公司總裁，喺沙田放煙花慶祝開幕。心水清嘅讀者都記得，當年嘅專員咪係前特首曾蔭權囉。