【明報專訊】美國牙醫日前獵殺津巴布韋獅王塞西爾（Cecil）震驚全球，好多人要求追究到底；民建聯議員葛珮帆（EQ）趁暑假就再次去非洲，參與保育瀕危大象及犀牛嘅活動。不過佢去到當地即收到壞消息，知道7月28日早上巡邏隊喺肯尼亞Tsavo West國家公園發現咗5具大象屍體，相信仲係來自同一個家庭，包括大象媽媽同佢4個孩子，大象嘅頭面都被盜獵者斬咗以獲取最多嘅象牙。