【明報專訊】「幫港出聲」等組織籌辦嘅反佔中簽名，呢幾日周圍都有街站，民主黨沙田區議員麥潤培前日就去街站現場，測試簽名運動可信度有幾高。佢去街站亂填名，塞咗幾張表入簽名箱，仲話根本無人查核佢身分證，簽完又簽無人理，其間碰見幫港出聲周融，周融唔知「麥仔」係無間道，二人仲開心合照！