【明報專訊】香港社會議題鬧得熱哄哄，唔少年輕人都上街表達意見，今年3月底卸任港大校長嘅徐立之，之前接受馬會刊物訪問時話，年輕人一向會挑戰權威，只係𠵱家表達不滿嘅渠道多咗，由以前返學放學、喺巴士傾，演變到可以幾百萬人一齊傾，所以反對、不滿聲音都多咗。徐立之提醒學生，挑戰其他人嘅同時，唔好人云亦云，或者只係大聲叫口號，應該要「多做功課」深入了解事件。