【明報專訊】書展又到，中大政治與行政學系高級講師蔡子強今年以食為先，蒐集咗多個政治人物嘅飲食習慣，出版《餐桌上的領袖》一書，大談宋慶齡與大閘蟹嘅恩怨、毛澤東吃辣外交、曾國藩連食燕窩都要加辣粉等等小故事，另外仲有香港篇，蔡子強比較咗特首梁振英、政務司長林鄭月娥同財政司長曾俊華嘅宴客菜單。佢話，曾俊華雖然住過美國，予人洋化感覺，但宴客時主要以中菜為主，仲話佢比較鍾意飲老火湯，宴客會請人飲清補涼瘦肉湯，而唔係魚翅燕窩嗰類。