【明報專訊】無見一排嘅港視主席王維基（Ricky）噚日出席書展研討會，同陶傑等人討論本地書業發展，佢話雖然不時接觸電子嘢，但其實佢買實體書仍多過電子書，例如單係蘋果電腦創辦人之一Steve Jobs自傳，佢就買咗英文、中文繁體同簡體3個版本，仲透露原來大約6年前，佢搵教育局傾過考慮收購本地3、4間教科書出版公司，打算推出電子書，但當年教育局未開始審批電子教科書，令佢「有心」都要放棄。