【明報專訊】文憑試學生想讀醫科，除咗要考得好成績外，仲要喺嚟緊嘅面試突圍。中大醫學院院長陳家亮話，其實唔需要有字典咁厚嘅履歷，最重要有一顆謙遜、以病人利益為首嘅仁心，試過有個學生喺履歷填咗50項喺香港同海外參加過嘅活動，但被問到當中有咩深刻體會令佢想做醫生時，佢淨係遊花園，令人完全感覺唔到佢有heart，卒之被叮走咗。