【明報專訊】唔少公共交通工具都有指明某啲座位畀有需要人士，不過噚日新民黨立法會議員田北辰就喺立法會大會上關注，話因為香港嘅禮讓文化未普及，要求政府就讓座立法。田二少仲講咗一個活生生嘅「例子」，話噚日揸車返立法會，喺條雙程路想轉右，「一路等，我後面唔知塞咗幾多十架車，前面無一架車會停一停畀我轉右」，證明香港禮讓文化根本未普及。