【明報專訊】今年七一遊行主題係爭取普選，Emily留意到網上廣傳唔少「良心商店」，自稱唔做生意拉隊撐場，包括坐落旺角嘅兩間女僕Cafe（茉莉珈琲館、茉莉茶館）同一間男執事咖啡館Swan's House。其實呢3間Cafe都係由浸大視覺藝術系畢業生小藍籃創辦，小藍籃覺得香港好多問題係源於政府無認受性，所以爭取普選遊行一定要撐，就算紅日假期生意一般比平日好三四成，都不惜3館齊關。