【明報專訊】由佔領中環發起嘅全民投票有逾78.7萬人參與，令佔中三子喜出望外，加上前晚世界盃十六強賽事荷蘭2比1險勝墨西哥，令佔中發起人兼「荷蘭躉」戴耀廷（Benny）心情大好。戴耀廷噚日喺記者會上笑到四萬咁口，開場白大笑咁話，「荷蘭2比1，真係正」，Benny又以荷蘭隊比喻佔中，話𠵱家佔中完成全民投票，責任就交回政府手上，就好似荷蘭帶波進入對方場區一樣。