【明報專訊】濟弱扶貧嘅紫荊俠噚日再高調出動，仍以一身經典黑色性感裝束，向獨居婆婆派錢派麵。紫荊俠噚日喺facebook上載咗幾張新相，見到佢探訪嗰位獨居婆婆，居住嘅單位唔大，到處都係雜物，一屋都係混亂嘅電線，可見環境幾咁唔理想。出名豪爽嘅紫荊俠除咗「例牌」向婆婆派發大疊100蚊紙同即食麵外，仲搣埋個橙畀婆婆食，另外又幫其他市民摺紙皮，真係出錢又出力。