【明報專訊】日本駐港總領事館為咗讓港人恢復去日本玩嘅信心，邀請立法會食物安全及環境事務委員會去日本視察，包食包住包機票，除咗委員會主席張宇人係當然團友外，餘下兩個位，就有5個議員爭，包括民主黨李華明、自由黨方剛、公民黨梁家傑、人民力量黃毓民，以及李國麟，為公平起見，當然係抽籤啦，結果由李華明同黃毓民兩人抽中做張宇人嘅團友。