【明報專訊】今時今日立法會保安員真係唔易做，議會內，除咗要應付尊貴嘅議員隨時發難，喺會議廳擲蕉、潑水、上前「攻擊」官員外。議會外，每逢有觸動社會神經嘅議題，立法會門外均要嚴陣以待。有保安人員就試過因工受傷，要入院療傷。Emily聽聞，立法會嘅保安組老細都做到頂唔順，壓力大到要辭職，寧願另謀高就，轉戰另一中環嘅商業大廈做保安。