【明報專訊】消委會旗下《選擇》月刊網上版明年開始免費開放畀公眾睇，實體刊物就會停售。喺噚日發布嘅新一期《選擇》，有4頁係「消委會50周年復刻號」，以雜誌過往嘅版面設計去回顧消委會歷史。總幹事黃鳳嫺話，最後4期《選擇》都會有消委會50年專輯部分嚟做倒數，今期復刻號就特登搵咗同事做model，還原番創刊號嘅封面，單調用色同粗微粒畫面效果學到足，非常有懷舊feel。