【明報專訊】本地飲食界近月生意唔好，個個叫苦連天，業界最近就聯手合辦第一屆「金筷子明火創意名菜大賞」。發起人之一兼飲食界立法會議員張宇人話，參賽者要同意賽後分享食譜，其他公司日後都可參考，造福全行。佢又提到今次搞比賽嘅原因係業界人手嚴重短缺，要廚師諗有創意嘅菜式，畀客人新鮮感都唔易，「好多廚房5個位得3個人做，同事已經做得好辛苦」。