【明報專訊】行行出狀元，建造業議會派出7名後生仔，參加喺法國里昂舉行、有「技能界奧林匹克」之稱嘅世界技能大賽，仲帶來好消息。焊接項目嘅周樂燃及細木項目嘅方俊諺同獲優異獎章，為港隊歷屆最好成績。其中方俊諺得知獲獎章後喜極而泣，話能夠代表香港參與國際比賽係難忘嘅人生體驗，令佢學識唔好因為失誤而放棄。