【明報專訊】中央政府為咗慶祝75周年國慶，喺內地搞咗個「禮贊新中國 奮進新時代——中央和國家機關慶祝新中國成立75周年足球聯賽」。港澳辦噚日公布喜訊，話港澳辦隊奪得丙組（14支隊伍參賽）冠軍，隊員仲拎住獎盃，同港澳辦主任夏寶龍（前排中）合照。呢個比賽喺6月展開，歷時兩個月，分小組賽同淘汰賽兩個階段，有中央及國家機關共78個部門代表隊競逐。