【明報專訊】一代鬼才黃霑逝世20周年，香港文化博物館今日起舉辦「滄海一聲笑——黃霑」專題展，精選約140套霑叔相關嘅作品，重點展出由佢音樂恩師梁日昭設計嘅「樂風牌」口琴、1970年代家計會節育宣傳片《兩個夠晒數》海報、黃霑書房提供《獅子山下》等歌詞嘅手稿（印刷本），亦有友人借出或捐贈嘅劇本同相片等。展覽噚日舉行預展同開幕禮，霑叔大仔黃宇瀚到場支持，佢受訪時話好掛住爹哋：「I miss him！」