【明報專訊】保良局田家炳小學上月做問卷調查，約600名學生同超過300名家長參與，發現高小生同家長嘅主要壓力來源係「情緒管理」。同學仔因為調節唔到負面情緒產生壓力，其中小六生呂同學表示會因成績唔理想憂慮；家長丘太話兩個讀初小嘅女會發佢脾氣，令佢都覺得好煩躁。校方早前舉辦活動幫學生及家長減壓，包括前日派雪糕（圖）及撕紙張，亦會辦講座，讓家長更認識子女情緒。校長陳詠賢（後排右）話，嚟緊嘅學校發展計劃主題係正向情緒，繼續推廣學生身心靈健康。