【明報專訊】Emily喺香港大學馮平山圖書館度過唔少歲月，該館於1932年創館，及後遷入大學圖書館總館。Emily知道圖書館今日起舉辦馮平山圖書館歷史回顧展，梗係先睹為快。展覽由馮平山個孫馮慶鏘同其他校友捐出好多珍貴文物，包括馮平山個仔馮秉芬嘅功課。出名大商家、大慈善家嘅馮秉芬，原來讀書都唔錯，功課有75分，仲畀老師「貼堂」（圖1）， 而且老師好嚴格，批改好認真，其中一份功課嘅評語係「着墨無多 題蘊畢宣 所不足者 波瀾壯濶耳 」（圖2）， 認真要求高。