【明報專訊】香港政界近期興搞「二軌外交」或民間外交，民建聯就趁今年中法建交60周年，喺灣仔中環中心搞為期約一個月嘅中法建交歷史展。副主席周浩鼎（Holden）話會展出超過80件展品，包括拿破崙四世嘅古典音樂盒、北京同巴黎歷史地圖、兩國歷史圖片等，部分由收藏家譚兆璋借出。展覽由今個周六（6日）到8月4日，政務司長陳國基會做開幕主禮，法國駐港總領事館同外交部駐港公署都有代表出席開幕禮。