【明報專訊】政府噚日公布502人受勳名單，好多政商界人士有份，其中獲頒金紫荊星章嘅考評局主席容永祺就話，感謝政府對佢工作嘅肯定，佢接受商台訪問時仲自豪咁話，喺新冠疫情期間，考評局工作充滿挑戰，但話因為考評局做得好，香港成為當時全球極少數能辦公開試嘅地方，仲話其間無一個學生染疫，亦安排確診同要檢疫嘅學生去竹篙灣社區隔離設施考試，工作極富挑戰。