【明報專訊】政府同商界趁七一推出多項優惠活動，各司局長紛紛響應落區消費，其中署理政務司長卓永興、副律政司長張國鈞、政制局長曾國衞就一齊去咗灣仔一間提供「七一折」嘅燒臘店食飯，不過有網民留言話佢哋碟碟都係肉，無啖蔬菜，唔多健康。運輸及物流局長林世雄就去視察輕鐵嘅免費服務，坐咗多啦A夢主題列車，仲攞住一份試卷同列車合照，原來係因為有人話佢同卡通入面大雄嘅老師有幾分似樣。