【明報專訊】叙福樓集團主席兼行政總裁黃傑龍早前引入嘅漢堡扒專門店「挽肉と米」大受歡迎，但餐飲零售近期整體市况仍唔太理想。黃傑龍前日喺facebook預告，旗下其他品牌下個月會關閉4間分店，仲講笑話「無返三幾間執吓笠都好難同餐飲零售嘅行家做自己人」。帖文出街後，唔少網民畀表情回應，不過黃傑龍就發現帖文「幾分鐘」突然多咗2800個「嬲嬲」，大部分都係越南名帳戶，打趣話「原來Facebook可以gum（咁）玩」。