【明報專訊】全球首個多啦A夢無人機匯演今晚喺尖東海旁舉行，東海飲食集團旗下嘅金鐘海都酒家同尖沙嘴星薈兩間酒樓，趁機推出「無人機宴」吸客，分別每位888元同788元，最少要訂兩位。Emily噚晚以顧客身分打電話去訂枱，兩間都話窗邊位已經訂滿，第二行就仲有部分座位。海都職員話要訂就快手，即日訂好可能無位；星薈嗰邊就提醒Emily坐入面都可以行出露台睇無人機，唔使怕畀人擋住。