【明報專訊】實政圓桌立法會議員田北辰（田二少，台上者）推出嘅「田叔叔英語閱讀計劃」今年迎來5周年，佢噚日出席兒童書展時親自同306個家庭同小朋友講The Fox and the Hen古仔，仲有太太、阿女、孫仔撐場。田二少話，要捉得住小朋友嘅注意力唔容易，但好難得嚟撐場嘅孫仔都坐定定。佢又話好奇心係對小朋友發展最重要嘅元素，因為有好奇心就代表識得自學、發問同探究。