【明報專訊】海洋公園舊年成立咗海洋公園保育聯盟，為學界提供保育交流平台，畀學校分享保育成果。噚日聯盟旗下項目「海馬同學會」舉行啟動禮，嚟自全港178間學校2500幾個學生同老師誓師成為保育大使，承諾喺社區推動保育，係全港最大型嘅學生保育團體。噚日重頭戲係350個學生一齊用大熊貓嘅糞便造紙，成功創造「最大規模動物糞便再造紙工作坊」嘅健力士世界紀錄。