【明報專訊】世衛前總幹事陳馮富珍（Margaret，左）噚日重返母校新加坡國立大學，獲頒榮譽理學博士，另一獲頒榮譽博士嘅係新加坡前總統陳慶炎。Margaret致辭時以自己當年辭去教師，同男朋友（現任老公）去加拿大學醫嘅經歷勉勵畢業生。佢話當年喺加拿大讀書逢暑假都打幾份暑期工，靠少許收入熬過7年醫學院；話面對人生高低都要聚焦目標，困難時唔好放棄。