【明報專訊】一班全國港區人大代表去咗大灣區考察，來到第三站嘅江門，原來係霍啟剛嫲嫲嘅家鄉，佢話細個成日聽嫲嫲講家鄉成長故事，今次親身去到，非常親切，仲有啲尋根嘅意義𠻹。而霍啟剛嘅媽媽、港姐冠軍朱玲玲就係緬甸出世嘅台山華僑，今次考察期間，霍啟剛同台山市市長坐隔籬一齊食飯，對方仲畀佢睇朱玲玲回訪台山泡步村嘅相，形容相當珍貴。