【明報專訊】一連三日喺維園舉行嘅「家鄉市集嘉年華」噚日結束，嘉年華人頭湧湧，睇落都幾受市民歡迎。有網民發現，「家鄉市集嘉年華」仲好受南亞地區一帶嘅網民歡迎，事關有人見到部分「家鄉市集嘉年華」facebook專頁內嘅帖文有過千個讚好，再細睇發現，啲帳戶名好多都唔係華裔名，甚至有孟加拉文，有網民就留言質疑「比（畀）咗幾多錢買Likes」。