【明報專訊】立法會大樓做緊擴建工程，早前行政管理委員會參觀咗議員辦公室示範單位，噚日「睇樓團」再參觀其他地方，去咗工程承辦商喺分域碼頭嘅工地，參觀新建11樓至14樓議員樓層嘅模擬茶水間同洗手間。「睇樓團」嘅人參觀後普遍滿意整體設計，並提供咗啲建議，例如降低茶水間儲物櫃高度、改良洗手間去水渠、儲物架設計等。