【明報專訊】原擬五一勞動節前或當日舉行集會遊行嘅團體，已先後撤銷申請，新思維社福界議員狄志遠噚日透露，計劃最快下月底舉辦遊行，爭取成立殘疾人士委員會，預計有100人參加。佢同Emily講，初步已同警方溝通過，對方反應正面，但未傾細節。狄志遠講到明，參加者願意喺手臂綁絲帶、心口貼貼紙做識別，但如果好似之前嘅遊行咁，參加者要掛有號碼嘅頸牌，佢就寧願取消遊行。