【明報專訊】噚日（4月23日）係一年一度嘅世界閱讀日，唔少名人都有好書推介，公務員事務局長楊何蓓茵就推介一本新出版散文集《叫生活悄悄歸來》。佢話呢本書嘅感染力在於「文字溫度」，內容涵蓋童年往事、生活情懷、旅遊點滴、歷史典故等，作者細膩感性嘅筆風「看透人情世故」。呢部散文集嘅作者，就係佢前同事、政制及內地事務局前副局長陳帥夫（Andy）。陳帥夫喺2021年2月以健康理由辭職，離開「熱廚房」，現投身私人機構。