【明報專訊】立法會做緊擴建工程，其中3部俗稱「議員電梯」嘅𨋢聽日開始停用至11月，以擴建成4部𨋢，並加建到14樓，議員如果想由5樓至8樓嘅辦公室去1樓會議廳開會，暫時就要去大樓另一邊嘅另外4部𨋢。為咗疏導人流，民建聯陳克勤就喺行管會提議，開放後樓梯畀大家用，秘書處噚日喺大樓貼咗唔少告示，指示後樓梯方向，仲好似行山徑指示牌咁，列明去會議廳或會議室嘅距離同需時。