【明報專訊】公益金新界區百萬行噚日舉行，唔少政界人物都趁熱鬧「打卡」，當中西貢區議員方國珊好識「搶鏡」，成班人直頭拉埋banner、直幡現身人潮中，好似去遊行咁樣，仲開埋直播，沿路介紹將軍澳跨灣連接路。曾被視為方國珊「徒弟」嘅立法會新界東南議員林素蔚，都有參加百萬行，並喺社交媒體上載與唔同地區團體嘅合照，但就唔見有方、林合照，二人喺百萬行步道上似乎各行各路。