【明報專訊】勞工顧問委員會勞方委員嘅選舉下月舉行，有13人角逐5席，包括以網絡紅人工作者協會主席身分參選嘅高松傑，佢同Emily講，呢個選舉都係有大量工會鐵票，「贏就冇得贏㗎喇」，但希望借參選帶出青年聲音，令大家關注KOL、IT呢啲新興產業嘅權益。做咗廿幾年勞方委員嘅公務員工會聯合會總幹事梁籌庭今次冇參選，佢話想專注公務員事務同培訓接班人。