【明報專訊】經民聯副主席林健鋒（Jeffrey）聽日71歲生日，佢幾乎年年都同班黨友切蛋糕慶祝，噚日佢就提早同班黨友食飯，仲專登去咗7月加盟經民聯、紡織及製衣界議員陳祖恒嘅太太所開嘅餐廳慶祝。Jeffrey嘅生日蛋糕上寫住「笑看風雲」，佢同Emily講，呢4個字係同事揀嘅，不過佢都覺得，過去幾個月香港風雲變色，𠵱家終於見到曙光，眼前一片光明，希望市民都唔好再垂頭喪氣，寄語大家同心合力，未來一定有好事發生。