【明報專訊】太古集團喺香港有超過150年歷史，佢哋嘅產品同業務相信唔少香港人都熟悉。繼上年喺海事博物館搞展覽後，今年太古為咗慶祝特區政府成立25周年，再喺太古城中心搞展覽。展覽總共有6個主題展區，包括太古嘅「創業早期」、「從煉糖到汽水」、「航運演化」、「營造社區」及「建立航空樞紐」，介紹太古業務發展同香港嘅變遷。