【明報專訊】政府上個月委任新一批副局長同政治助理，其中4人有新民黨背景，包括教育局副局長施俊輝（圖）、勞福局長政治助理傅曉琳、創新科技及工業局長政助廖添誠、運輸及物流局長政助陳閱川，好多人認為新民黨係大贏家，但新民黨主席葉劉淑儀向網媒「堅料網」透露，新民黨向政府推薦而獲委任嘅只有3人，施俊輝唔係推薦名單上。葉太仲話唔記得施俊輝係黨員，好耐無來往，話對方係向政府毛遂自薦。