【明報專訊】新界鄉議局星期三（10日）向成員發信，話經主席劉業強同副主席林偉強、莫錦貴商議後，決定撤銷「新界鄉議局研究中心」。2014年成立嘅研究中心，主任係劉業強嘅姑丈薛浩然（小圖），佢近日拍片批評今年授勳、行政會議名單係政治酬庸，有說法認為研究中心被廢，係鄉議局要同薛「割席」。劉業強噚日同Emily講，原因係研究中心「完成歷史任務」，呢個時間處理只係「剛剛遇着啱啱」。