【明報專訊】中學文憑試（DSE）噚日放榜，唔少考生拎到成績單後，紛紛趕到自資院校報讀學士或副學士課程，憑住《屯馬開通真的很興奮》一曲改詞成名嘅「羅先生」羅哲琛（上圖），獲香港恒生大學嘅新聞及傳播學系即場取錄。羅同學同Emily講，「雖然成績未如理想，但好開心有大學收咗我」，又話要「忘記過去，努力面前」，不過佢話諗住再睇吓有冇其他都啱讀嘅課程，先做最後決定。