【明報專訊】上個月嘅「免費搭車日」，市民踴躍參與，咁兩蚊搭車又怎能錯過？但原來去到上星期三，60至64歲申請「樂悠咭」嘅人只有53.8萬，即係仲有近7萬個合資格市民仲未申請。勞工及福利局長羅致光噚日就拍片「尋人」，「跳入」「樂悠咭」嘅照片欄呼籲，叫大家提醒身邊60至64歲人士，喺下星期一或之前申請，先可以如期喺2月27號享用兩蚊搭車搭船嘅優惠。