【明報專訊】港區人大代表洪為民生日宴餘波未了，有份出席嘅家庭醫生朱偉星早前被商台主持問到點解無掃「安心出行」時，反問「你哋咁守法㗎」，引發爭議。監警會前委員鄭承隆就將朱醫生呢一句，加上「為己為人請嘟安心出行」字句印喺T恤度，仲印咗100件左右派畀朋友。佢話現時大家都抗疫疲勞，希望用啲得意嘅方法，呼籲大家盡量配合防疫措施。