【明報專訊】立法會選舉選委會界別由1448名選委，從51個候選人中選出40個議員，經民聯梁美芬由地區直選轉跑道出選選委會界別，同時屬法律界當然選委嘅佢，噚日一早去到灣仔會展，拖實老公王貴國去投票，之後佢周圍同其他候選人、選委等打招呼寒喧。唔少選委會界別候選人同團隊，噚日一早喺連接灣仔港鐵站及稅務大樓嘅天橋拉票，梁美芬帶埋自己嘅紙牌，喺天橋逐一同候選人合照打氣。