【明報專訊】民主黨副主席梁翊婷（Edith，圖左）早前未獲黨批准，以個人身分簽支持同意書畀港島東候選人、中科監察主席潘焯鴻（圖右），有稱她被黨友聯署投訴，將被紀律委員會調查，民主黨紀委會主席劉慧卿話唔評論事件。潘焯鴻之前同Emily講只係搵咗Edith拍攝清談節目，而節目噚日出街，潘解釋幾個月前已經約Edith，但一直約唔成，Edith就話約咗兩個幾月，笑住講：「今日先約到，搞到我畀人誤會。」潘雙手合十向佢道歉。