【明報專訊】旅發局除夕會喺西九文化區舉行「香港跨年倒數演唱會」，演出嘅包括人氣組合MIRROR等，吸引20萬人參加門票抽獎。旅發局噚日喺網頁公布得獎名單，有1500人各得兩張飛，得獎者會喺噚日至聽日收到短訊通知，並且要喺12月13日夜晚9點前，帶同得獎短訊、身分證、新冠疫苗打針紀錄，親身到九龍圓方商場水區2樓領獎。