【明報專訊】唔少立法會選舉候選人都會請嚟重量級嘉賓站台，新民黨主席、港島西候選人葉劉淑儀噚日中午喺中環擺街站，請嚟一半行政會議非官守成員站台，包括有行會召集人陳智思，成員查史美倫、任志剛、李國章、周松崗、廖長江、林健鋒，陣容鼎盛。葉太話，佢主要搵商界行會成員，因為嚟中環開街站，佢哋多朋友，而李國章、陳智思同查太之前選舉都去過街站支持佢。